Isaiah 14

Ukubuya kwabathunjiweyo

1Ngoba iNkosi izamhawukela uJakobe ^a, imkhethe futhi uIsrayeli ^b, ibabeke elizweni lakibo ^c; labezizwe ^d bazahlangana labo, njalo bazanamathela endlini kaJakobe. 2Labantu bazabathatha, babase endaweni yabo ^e; lendlu kaIsrayeli izabafuya elizweni leNkosi, babe yizigqili lezigqilikazi ^f; njalo bazathumba abathumbi babo, babuse abacindezeli babo ^g. 3Kuzakuthi-ke ngosuku iNkosi ezaliphumuza ngalo ebuhlungwini benu lekuhluphekeni kwenu lemtshikatshikeni onzima ebelisetshenziswa kiwo, 4lizaphakamisa lesisaga ^h ngenkosi yeBhabhiloni lithi: Uphele njani umcindezeli ⁱ! Owegolide usuphelile! 5INkosi ilwephule udondolo ^j lwabakhohlakeleyo ^k, intonga yababusi ^{l , m}. 6Owatshaya abantu entukuthelweni ngokutshaya okungapheliyo, owabusa izizwe ngolaka, wazingelwa kungekho onqandayo. 7Umhlaba wonke uphumule, ulokuthula; baqhamuka ngokuhlabelela ⁿ. 8Lezihlahla zefiri ^{o , p} ziyathokoza ngawe, imisedari yeLebhanoni ^{q , r}, isithi: Selokhu walala phansi, kakulamgamuli owenyukela kithi. 9Isihogo ^s ngaphansi siyanyakaziswa ngenxa yakho ukukuhlangabeza ekuzeni kwakho; sikuvusela imimoya efileyo ^t, impongo zonke zomhlaba, sisukumise wonke amakhosi ezizwe ezihlalweni zawo zobukhosi. 10Bonke bazaphendula ^u bathi kuwe: Lawe usubuthakathaka njengathi; usufanana lathi. 11Ubukhosi bakho sebehliselwe esihogweni, lokukhala kwamachacho akho ^v; izimpethu zizakwendlalwa ngaphansi kwakho, lemihlavane ikugubuzele. 12Uwe kanganani uvela emazulwini ^w, wena okhanyayo, ndodana yokusa ^x! Uqunyelwe emhlabathini ^y, wena owawisela phansi izizwe ^z! 13Wena wasusithi enhliziyweni yakho: Ngizakwenyukela emazulwini ^aa; ngaphezu kwenkanyezi zikaNkulunkulu ngiphakamise isihlalo sami sobukhosi ^ab; ngihlale entabeni yenhlangano ^ac ezinhlangothini zenyakatho ^ad; 14ngizakwenyukela ngaphezu kwendawo eziphakemeyo zamayezi ^ae; ngizenze ngifanane loPhezukonke ^af. 15Kodwa uzakwehliselwa esihogweni ^ag, ezinhlangothini zomgodi ^ah. 16Abakubonayo bazakujolozela ^ai, bakuqaphele, besithi: Nguye lo umuntu yini owenza ukuthi umhlaba uthuthumele ^aj, owanyakazisa imibuso ^ak, 17owamisa ilizwe laba njengenkangala, wachitha imizi yalo, ongavulelanga izibotshwa zakhe ziye ekhaya? 18Wonke amakhosi ezizwe, wonke alala phansi ngodumo, ileyo laleyo endlini yayo ^al; 19kodwa wena uphoselwe ngaphandle kwengcwaba lakho, njengehlumela elinengekayo, njengelembu lababuleweyo, begwazwe ngenkemba, abehlela phansi ematsheni omgodi ^am, njengesidumbu esinyathelelwe phansi. 20Kawuyikuhlanganiswa kanye labo ekungcwatshweni ^an, ngoba ulichithile ilizwe lakini, wabulala abantu bakini. Inzalo ^ao yabenzi bobubi kayiyikubizwa kuze kube nininini. 21Lungiselani ukubulawa kwabantwana babo ngenxa yobubi baboyise ^ap, ukuze bangavuki ^aq badle ilifa lelizwe, bagcwalise ubuso bomhlaba ngemizi.

IBhabhiloni izachitheka

22Ngoba ngizabavukela, itsho iNkosi yamabandla, ngiqume kusuke eBhabhiloni ibizo ^ar, lensali ^as, lendodana ^at, lomzukulu ^{au , av}, itsho iNkosi. 23Ngizayimisa ibe yindawo yezinhloni lamatete amanzi ^aw, ngiyithanyele ngomthanyelo wencithakalo, kutsho iNkosi yamabandla.

IAsiriya izachitheka

24INkosi yamabandla ifungile isithi: Isibili, njengokucabanga kwami kuzakuba njalo, lanjengokweluleka kwami khona kuzakuma! 25Ukuthi ngimephule umAsiriya ^ax elizweni lami, ngimnyathele phezu kwezintaba zami; beselisuka ijogwe ^ay lakhe phezu kwabo, lomthwalo wakhe ^{az , ba} usuke ehlombe labo. 26Lesi yiseluleko eselulekwe ngomhlaba wonke, njalo lesi yisandla eselulelwe izizwe zonke ^bb. 27Ngoba iNkosi yamabandla ikucebile ^bc, ngubani-ke ongakuphuthisa ^bd? Lesandla sayo seluliwe ^be, njalo ngubani ongasibuyisela emuva ^bf?

AmaFilisti azachitheka

28Ngomnyaka wokufa kwenkosi uAhazi ^bg kwaba lalo umthwalo ^bh:

29Ungathokozi, wena wonke Filisti ^bi, ngokuthi intonga ^bj ekutshayileyo yephukile; ngoba empandeni yenyoka ^bk kuzavela ibululu ^bl, lesithelo sabo ^bm sibe yinyoka ephaphayo etshisayo ^bn. 30Lamazibulo ^bo abayanga azakwelusela, labaswelayo balale bevikelekile; kodwa ngizabulala impande yakho ngendlala, njalo abulale insali yakho. 31Qhinqa isililo ^bp, sango, ukhale, muzi. Uncibilike, Filisti ^{bq , br}, wonke. Ngoba enyakatho kuvela intuthu, njalo kakho ozakuba yedwa ngezikhathi zakhe ezimisiweyo ^bs. 32Lezithunywa zesizwe zizaphendulwa ngokuthini? Ngokuthi: INkosi iyisekele iZiyoni ^bt, labahluphekayo babantu bayo ^{bu , bv} bazathembela kuyo ^{bw , bx}.